Биылғы жылдың 1 наурызынан бастап еліміздің барлық өңірлерінде өңірлік кадрлық резервтерге іріктеу жүргізілуде.

Жобаның негізгі мақсаты - жас басқарушылардың өңірлік пулдарын қалыптастыру және өңірлерді дамытуға талантты жастарды тарту.

Іріктеуді облыстардың өңірлік кадр комиссиялары жүзеге асырады.

Іріктеуге 35 жастан аспаған, жоғары білімді, 3 жылдан кем емес еңбек өтілі бар Қазақстан Республикасының азаматтары қатысуға мүмкіндік алып, Батыс Қазақстан облысы бойынша 423 ниет білдіріп, 273 жіберілді.

Резервке іріктеу 5 кезеңнен тұрады (құжат тапсыру, заңнаманы білу және жеке қасиеттерді бағалауға тестілеу, құзыреттерді бағалау, комиссиядағы құрылымдық сұхбат, комиссияның қорытынды отырысы).

Заңнаманы білу және жеке қасиеттерді бағалауға тестілеу, құзыреттерді бағалау кезендері Мемлекеттік қызмет істері агенттігімен және Мемлекеттік басқару академиясымен жүргізілді.

Құрылымдық сұхбат кезеңі өңірлік кадр комиссиясының төрағасы, облыс әкімі Н. Төреғалиевтің басшылығымен өткізіліп, құзыреттерді бағалау кезеңінен ең жоғары нәтиже көрсеткен 44 үміткер қатысты.

Құрылымдық сұхбатты Батыс Қазақстан облысы әкімі аппаратымен Мемлекеттік қызмет істері Агенттігінің Батыс Қазақстан облысы бойынша департменті бірлесе жүзеге асырылды.

Сұхбат кезінде үміткерлер өздері таңдаған салалық бағыт бойынша жобасын презентация жасап, өзі ұсынған идеяның мәні мен мақсаттарын, оны іске асыру кезеңдерін, мүмкін болуы проблемалар мен күтілетін нәтижелерді ұсынды.

Сонымен қатар, Өңірлік резервке іріктеудің ашықтығын қамтамасыз ету үшін құрылымдық сұхбат жүргізу кезеңіне қоғамдық бірлестіктердің, үкіметтік емес ұйымдардың, бұқаралық ақпарат құралдарының, бизнес-қоғамдастықтардың өкілдері және салалық сарапшылар байқаушы ретінде қатысты.

Ақпарат көзі: ГУ «Аппарат акима Западно-Казахстанской области»