Халықаралық балаларды қорғау күніне орай 27 мамыр-3

маусым аралығында елімізде «Балажан: ата-аналардың еріктілігі» акциясы өтеді. Оған білім беру ұйымдарының жанындағы педагогикалық қолдау орталықтарында жаттыққан белсенді ата-аналар қатысуда.

 

Оның мақсаты – жайлы білім беру ортасын қалыптастыру үшін ата-аналар мен педагогтердің  ынтымақтастығын құру.

«Ата-аналар өздерінің өмірлік тәжірибелерін, білімдерін, жақсы қасиеттерін балалардың бойына сіңіре алады. Іс-шара аясында олардың кәсіби және жеке тәжірибелерін пайдалана отырып, балалармен көбірек жұмыс жасауына көңіл бөлуді ұсынып отырмыз», - дейді «Өркен» балалардың әл-аухатын арттыру ұлттық ғылыми-практикалық институтының президенті Есенғазы Иманғалиев.

Акция бағдарламасына отбасылық іс-шаралар, шеберлік сыныптары, спорттық сайыстар, тренингтер, шығармашылық байқаулар, ойындар, диалог алаңдары, квесттер, кеңес берулер, жеке сессиялар мен басқа да көптеген шаралар енгізілген.

Айта кетейік, 2023 жылдың қыркүйегінен бастап еліміздің білім беру ұйымдарында Ата-аналарды педагогикалық қолдау орталықтары жұмыс жасауда. Бұл орталықтарға бүгінге дейін 3,7 млн қазақтандық ата-ана қатысып, оқу-жаттығудан өтті.

Ақпарат көзі: Министерство образования и науки Республики Казахстан