Халықаралық қарттар күнінде елордада Қазақстан халқы Ассамблеясының ардагерлеріне құрмет көрсетілді, деп хабарлайды қалалық әкімдіктің ресми сайты.

Құттықтау сөз сөйлеген Қазақстан халқы Ассамблеясы Төрағасының орынбасары – ҚР Президенті Әкімшілігінің ҚХА Хатшылығының меңгерушісі Марат Әзілханов аға буын өкілдерін мерекемен құттықтады.

Елордалық Ассамблеяда 100-ден астам ардагер бар, олар адамгершілік тәрбиесінде, патриотизмге баулуда және жас ұрпақтың белсенді өмірлік ұстанымын қалыптастыруда жарқын үлгі болып саналады.

Сонымен қата бүгін аға буын өкілдері қалалық ҚХА ардагерлеріне арналған «Біз жастарға үлгі» фотокөрмесінің салтанатты ашылуы өтті. Іс-шарада аға буын өкілдері алғыс хаттармен марапатталды. Мәселен, этносаралық бірлікті дамытуға, рухани келісім мен достықты нығайтуға қосқан үлесі үшін Петр Иванов, Күләш Коспармакова, Галина Кондратюк, Әлихан Наврузов Қазақстан халқы Ассамблеясының Алғыс хатымен марапатталды.

Ақпарат көзі: ГУ «Аппарат акима города Астана»