2024 жылғы 14-16 мамырда Ереванда Еуропа қайта құру және даму банкінің

(бұдан әрі – ЕҚДБ)

Басқарушылар Кеңесінде Қазақстаннан Басқарушы ҚР Қаржы министрі М. Такиев бастаған қазақстандық делегация ЕҚДБ Басқарушылар Кеңесінің жыл сайынғы отырысына, ЕҚДБ Донорларының жыл сайынғы отырысына және «Нәтижелерге бірлесіп қол жеткізу» тақырыбындағы бизнес-форумға қатысты. Отырыс барысында Одиль Рено-Бассоның ЕҚДБ Президенті лауазымына кандидатурасы бекітілді. Сондай-ақ, Басқарушылар Кеңесі ЕҚДБ-ның 2023 жылғы қызметі туралы жылдық есептерді мақұлдады және бекітті. Отырыс қорытындысы бойынша Мәди Такиев ЕҚДБ Президенті Одиль Рено-Бассомен екіжақты кездесу өткізді. Тараптар Қазақстандағы ЕҚДБ қызметінің перспективаларын және одан әрі ынтымақтастықтың басымдықтарын талқылады. Еуропалық инвестициялық банктің вице-президенті Томас Остроспен келіссөздер жүргізілді, соның нәтижесінде тараптар Қазақстанда инвестициялық жобаларды іске асыруды пысықтауға келісті. Бұдан басқа, отырыс шеңберінде Қазақстан Республикасының Өнеркәсіп және құрылыс министрлігі мен ЕҚДБ арасында Қазақстан Республикасының тау-кен өндіру секторын дамыту саласындағы ынтымақтастық жөніндегі өзара түсіністік туралы меморандумға қол қойылды. Іс-шараға ҚР Өнеркәсіп және құрылыс министрі Қ. Шарлапаев, ҚР Ұлттық экономика вице-министрі Т. Жақсылықов және «Қазақстанның Даму Банкі» АҚ Басқарма төрағасы М. Елибаев қатысты.

Ақпарат көзі: Министерство финансов Республики Казахстан