Астана, 2024 жылғы 12 шілде – Қазақстан Республикасының Сыртқы істер министрлігі Инвестиция комитетінің ұйымдастыруымен «Foley Hoag LLP» (АҚШ, Вашингтон) заңгерлік фирмасының халықаралық сарапшының қатысуымен халықаралық инвестициялық келісімдер жасасу бойынша іс-шара өткізілді.

Аталған іс-шара халықаралық инвестициялық келісімдерді әзірлеу және жасасу кезінде туындайтын ережелер мен тәуекелдерді талдауға арналды. Талқылауға ҚР Сот әкімшілігінің, Әділет министрлігінің және халықаралық инвестициялық келісімдерді әзірлеуге тікелей қатысатын тағы да басқа мүдделі мемлекеттік органдар мен ұйымдардың өкілдері қатысты.

Іс-шара барысында қатысушыларға инвестициялық келісімдердің әртүрлі ережелері туралы презентация көрсетіліп, пікір алмасылды және бірқатар төрелік кейстер талқыланды. Соңғы әлемдік үрдістер мен тәжірибенің ескерілуімен жиі кездесетін іскерлік сұрақтарға толыққанды жауаптар берілді.

 «Foley Hoag LLP» компаниясы – мемлекеттер мен мемлекеттік мекемелер тарапынан таластарды келіссөздер, медиация, төрелік сот және соттық қараулар арқылы шешу жөніндегі мол тәжірибесінің арқасында жоғары деңгейге ие халықаралық жетекші заңгерлік фирмалардың бірі.

Ақпарат көзі: Министерство иностранных дел Республики Казахстан