Jas Kenes Siylygy байқауына басшылық позицияларда жұмыс істемейтін, күнделікті жұмысы жиі назардан тыс қалатын 18 жастан 35 жасқа дейінгі жас мамандар қатыса алады. Бұл қатардағы құтқарушылар, полицейлер, орта медициналық персонал, тәрбиешілер, білім беру орталықтарының қызметкерлері, еріктілер, тау-кен, агроөнеркәсіп және энергетика саласының өкілдері, жұмысшы мамандықтары. Жеңімпаздар миллион теңгеден алады.

Өңірлік коммуникациялар қызметі платформасында өткен брифингте конкурсқа қатысу шарттары туралы Қарағанды облысының жастар саясаты мәселелері басқармасының басшысы Нұржан Ілияш айтып берді.

– Jas Kenes Siylygy – ҚР Президенті жанындағы жастар саясаты жөніндегі Кеңестің бастамасымен құрылған тәуелсіз жастар сыйлығы. Өтінімдерді қабылдау 21 шілдеге дейін жалғасады. Іріктеу үш кезеңде өтеді, 14 жеңімпаз анықталады – жеті номинацияда әрқайсысында екі жеңімпаздан. Жалпы жүлде қоры – 14 миллион теңге, – деді Нұржан Ілияш.

Сыйлық келесі номинациялар бойынша беріледі:

- Janqiarlyq – құқық қорғау органдарының, авариялық-құтқару қызметтерінің және қоғамдық қауіпсіздік жүйесінің өзге де ұйымдарының қызметкерлері үшін;

- Altyn jürek – орта және кіші медициналық персонал үшін (жедел медициналық көмек, акушерлер, санитарлар және т. б.);

- Önerkäsıp – өңдеу өнеркәсібінің, тау-кен металлургия кешенінің, агроөнеркәсіптік сектордың, тамақ өнеркәсібі ұйымдарының, энергетика саласының қызметкерлері және өндірістік сектордың басқа да өкілдері үшін;

- Bolaşaq turaly qamqorlyq – мектепке дейінгі, орта, орта арнайы білім беру мекемелерінің педагогтері, мамандандырылған қызметтер көрсететін инклюзивті оқу орталықтарының қызметкерлері үшін;

- Adamgerşılık – балалар үйлерінің, қарттар үйлерінің, хоспистердің, жануарларға арналған баспаналардың және осындай әлеуметтік қызметтер көрсететін өзге де ұйымдардың қызметкерлері үшін;

- Kömek qoly – Қазақстанда және одан тыс жерлерде зардап шеккендерге және мұқтаждарға ерікті көмек көрсетуді ұйымдастыруда өзін көрсеткен еріктілер үшін;

- Bızdıñ üi – коммуналдық және инфрақұрылымдық қызметтердің қызметкерлері, ПИК, МИБ (сантехник, электриктер және т. б.) қызметкерлері, сондай-ақ елді мекендердің тыныс-тіршілігін қамтамасыз етуге жауапты өзге де ұйымдар үшін.

Қатысуға өтінімді

 

https://www.jaskenes.kz/application

 

сайтында беруге болады. Жас мамандарға арналған "Jas Kenes Siylygy" байқауы Қазақстанда алғаш рет ұйымдастырылды.

Ақпарат көзі: ГУ «Аппарат акима города Темиртау»