Дауыс беруге қатысқандардың арасында Астананың ең көне тұрғындарының бірі, көрнекті жазушы, драматург және сценарист 91 жастағы Әкім Тарази болды, деп хабарлайды әкімдіктің ресми сайты.

Жазушының жасын ескере отырып, сайлау комиссиясының мүшелері оның және отбасы мүшелерінің дауыс беруі үшін үйіне барды.

«Ұзақ жылдар бойы еліміздің дамуына куә болған адам ретінде мен әр дауыстың қаншалықты маңызды екенін көремін. 91 жастағы адам ретінде болашақ келесі ұрпақ үшін де біздің таңдауымызға байланысты екенін түсінемін», – деп атап өтті Әкім Тарази.

Таңертеңнен бастап Астанада сайлау учаскелері жұмыс істей бастады. Барлық учаскеде елорда тұрғындарының белсенділігі байқалады.

Астанада таңертеңгі сағат 7-ден бастап 460 учаске жұмыс істейді, оның 352-сі – ашық, 34-і – жабық, 74-і дипломатиялық өкілдіктер мен елшіліктерге бөлінген.

Естеріңізге сала кетейік, Астана тұрғындары өздерінің учаскелерін 4 тәсілмен онлайн біле алады:

Ресми веб-қызмет: https://referendum.astana.kz/  
- Telegram-да чат-бот арқылы: https://t.me/referendum_astana_bot  
- IKomek бірыңғай байланыс орталығы арқылы, 109 нөмірі бойынша;
- «Smart Astana» мобильді қосымшасында «New» бөлімінде – «Референдум учаскесін іздеу». Қолданбаны App Store немесе Google Play арқылы жүктеп алуға болады.

Ақпарат көзі: ГУ «Аппарат акима города Астана»