Ақмола облысының әкімі Марат Ахметжанов Көкшетау қаласындағы құрылыс алаңдарын аралап, бірқатар нысандардың жай-күйімен танысты. Жұмыс сапары барысында ол реновация бағдарламасы аясында Быковский көшесінде салынып жатқан тұрғын үйлердің құрылысын бақылады. 231 пәтерлік тұрғын кешенін қазан айының соңында тапсыру жоспарланған.

Сондай-ақ, өңір басшысы Саин көшесіндегі үйлерге барып, жергілікті тұрғындармен кездесті.

«Жаңа үйге көшіп баруға қазірдің өзінде дайынбыз. Құрылыс қарқынды жүріп жатқанын көріп, қуанып отырмыз», – деді Саин көшесіндегі 41-үйдің тұрғыны Евдокия Дельхман.

Марат Ахметжанов Вернадский көшесіндегі 11-үйдің жағдайын да назардан тыс қалдырмады. Бұл апатты үй алдағы уақытта реновация бағдарламасы аясында бұзылып, оның орнына жаңа тұрғын кешені салынбақ. Жоба аясында аулалық кеңістік, коммерциялық нысандар және автотұрақ қарастырылады. Қазіргі таңда қажетті құжаттар дайындалып, есептеулер жүргізілуде.

Облыс әкімі құрылыс қарқынын бағалап, жұмыстарды жеделдетуді тапсырды.

«Дайын тұрғын үйлерді халық үшін сатып аламыз. Алдағы бірнеше жыл ішінде ескі үйлердің тұрғындары біртіндеп жаңа баспаналарға көшірілуі керек», – деді Марат Ахметжанов.

Айта кетейік, реновация бағдарламасы Ақмола облысының Бурабай ауданында және Көкшетау қаласында белсенді жүзеге асырылып жатыр.

Ақпарат көзі: ГУ «Аппарат акима Акмолинской области»