Қазақстанда 25 маусымнан бастап техникалық және кәсіптік білім беру ұйымдарында құжаттарды қабылдау басталды, деп хабарлайды Қазақстанның Білім министрлігінің баспасөз қызметі. Өтінішті екі тәсілмен беруге болады: 1 шілдеге дейін құжаттар қағаз түрінде, содан кейін egov.kz порталы арқылы электронды түрде қабылданады.

Колледжге түсу үшін 9-сынып түлектері 25 маусым мен 18 тамыз аралығында, ал 11-сынып түлектері 25 маусым мен 20 тамыз аралығында өтініш бере алады:

- шығармашылық мамандықтар бойынша – 25 маусымнан 20 шілдеге дейін,

- педагогикалық және медициналық мамандықтар бойынша – 25 маусымнан 15 тамызға дейін.

Орта буын және қолданбалы бакалавр мамандықтарына түсушілер үшін аттестаттың орташа балы негізінде қабылдау жүреді. Рейтингті міндетті және бейіндік пәндерді бағалаудың орташа конкурстық балы бойынша автоматтандырылған ақпараттық жүйе жүргізеді.

Жұмысшы мамандықтарға түсетін түлектер әңгімелесу қорытындысы бойынша колледжге қабылданатын болады.

Педагогикалық, медициналық және шығармашылық мамандықтарға түсуші талапкерлер арнайы немесе шығармашылық емтихан немесе әңгімелесу тапсырады.

Оқуға түсушілер үшін конкурстар 19–25 тамыз аралығында, өнер және мәдениет мамандықтары бойынша – 29 шілдеден 2 тамызға дейін өтеді.

Талапкерлер төрт колледжге бірден төрт мамандық бойынша құжаттарды тапсыра алады. Жаңа оқу жылында мемлекеттік білім беру тапсырысы бойынша барлығы 145 мың талапкерді қабылдау жоспарлануда – бұл өткен жылмен салыстырғанда 10 мың адамға артық.

Ақпарат көзі: ГУ «Аппарат акима Карагандинской области»