Ұлттық аккредиттеу орталығының бас директоры Талғат Момышев Өзбекстан астанасына жұмыс сапарымен барды. Сапар Ансабхон Закиров басқаратын O'ZAKK аккредиттеу орталығының шақыруымен өтті.

Сапар барысында екі елдің аккредиттеу органдары басшыларының кездесуі өтті, онда ҰАО мен O’ZAKК арасындағы одан әрі ынтымақтастық мәселелері талқыланды. Кездесуге Қазақстан Республикасының Өзбекстандағы Елшілігінің бірінші хатшысы Біржан Дулатбеков те қатысты.

Келіссөздер нәтижесінде тараптар Қазақстан Республикасының Ұлттық аккредиттеу орталығы мен Өзбекстанның Аккредиттеу орталығы арасындағы 2024-2025 жылдарға арналған ынтымақтастық пен серіктестікті тереңдету жөніндегі жұмыс бағдарламасына қол қойды.

Т. Момышев мен А. Закиров бағдарламаның қабылдануы Қазақстан мен Өзбекстанның аккредиттеу органдары арасындағы ынтымақтастықты дамытуға, әсіресе олардың халықаралық ұйымдар аясындағы қызметін ескере отырып және аккредиттеудің жаңа схемаларын енгізуге берік негіз болатынына сенім білдірді.

Өзбек тарапының бастамасы бойынша O’ZAKK орталығының іс жүзіндегі жұмысын көрсету, оның тәсілдері мен мүмкіндіктерін көрсету ұйымдастырылды.

Т.Момышев әріптестеріне сапардың қарқынды бағдарламасы, ынтымақтастықты дамытуға дайындығы үшін алғыс айтты және О'ZАКК делегациясының Қазақстанға жауап сапары мүмкіндігін қарастыруды ұсынды.

Ақпарат көзі: Министерство торговли и интеграции Республики Казахстан