Бүгін, 100 жасқа қараған шағында, Ұлы Отан соғысының ардагері Анатолий Васильевич Комяков өмірден озды. Оның ерлікке толы жолы, батылдығы мен жанқиярлығы ұрпақ жадында мәңгі сақталады.

Анатолий Васильевич 1925 жылғы 24 желтоқсанда Кострома облысы, Сусанин ауданы, Антушки ауылында дүниеге келген. Жастық шағы соғыс жылдарымен тұспа-тұс келіп, ол тылда еңбек етіп, майданға аттанған ер-азаматтардың орнын басты. 1943 жылғы қаңтарда өз еркімен Отанын қорғауға аттанды.

325-ші ротаның 244-ші дивизиясы құрамында, 3-ші Украин майданында шайқасты. Алғашқы ұрысқа 1943 жылғы тамызда Солтүстік Донец өзенін Изюм қаласы маңында кесіп өту кезінде қатысты. Ол Донбасс, ДнепроГЭС, Украина, Австрия және Венгрияны азат етуге қатысып, Жеңіске баға жетпес үлес қосты.

Көрсеткен ерлігі мен батылдығы үшін Анатолий Васильевич ордендер және медальдармен марапатталды. 

Оның өмір жолы – отансүйгіштік пен туған жерге деген шынайы сүйіспеншіліктің үлгісі. Оның жарқын бейнесі отандастарының жүрегінде мәңгі сақталады.

Батырға мәңгілік даңқ пен алғыс!

Ақпарат көзі: ГУ «Аппарат акима Акмолинской области»