Қарағандыда мүгедектігі бар бес адам әлеуметтік және еңбек қызметіне тартуға миллион теңгеден шағын грант алды. "Қорған-М" ҚБ конкурсы Шымкент, Түркістан және Қарағанды облыстарында өтті.

"Қазақстанда мүгедек адамдарды азаматтық қоғам күштерімен әлеуметтендіру және жұмысқа орналастыру жөніндегі шараларды іске асыру" жобасы наурыз айының басында басталды. Енді міне, қорытындылар шықты. Қарағанды облысы бойынша тоғыз өтініш алынды, оның ішінде арнайы комиссия бесеуін таңдады. Жеңімпаздардың әрқайсысы миллион теңге көлемінде грант алды.

Жайна Ибрахим гранттық қаражатты Теміртауда мүмкіндігі шектеулі ересектерге арналған массаж және фитнес орталығын ашуға пайдаланады.

Меруерт Қасымова Балқашта иппотерапия бойынша сабақтар өткізеді.

"Ангел мой" қоғамдық бірлестігі Теміртауда мүгедектігі бар жастарға арналған "Флешка" оқу орталығын ашпақшы. Мұнда компьютерлік сауаттылық оқытылады.

Балжан Әли "Digital Temirtau" жобасын қорғады. Ол өзінің туған қаласында мүгедек әйелдерге арналған компьютерлік сауаттылық курстарын ашады.

Гранттың тағы бір иегері Теміртаудан келген "Өмірге үміт" қайырымдылық қоғамдық қоры болды. Қаражат ерекше жастарға арналған білім беру курстарына жұмсалады.

– Біздің қор үш жылдан астам жұмыс істейді. Негізгі бағыт – сүт безі қатерлі ісігі диагнозы қойылған әйелдерге көмектесу. Мүгедектігі бар жастарды қолдап, қызметімізді кеңейту туралы шешім қабылдадық. Біз кәсіпкерлік дағдылар мен тігін ісін оқытқымыз келеді. Грант тігін жабдықтарын сатып алуға жұмсалады, тігін шеберін шақырамыз. Бизнес-жаттықтырушыларды да шақырамыз. Болашақ кәсіпкерлерге ықтимал тәуекелдер туралы айтқым келеді. Барлығы бірдей ол туралы біле бермейді, сондықтан бизнесті ашпай жатып, бірден жабылады. Біздің курстарымыз ерекше жастарға дамуға және өсуге мүмкіндік береді, – дейді "Өмірге үміт" ҚҚҚ негізін қалаушы Марина Бошель.

"Қорған-М" ҚБ менеджері Анна Малютинаның айтуынша, шағын гранттардың сапалы әрі нәтижелі іске асырылуын қамтамасыз ету үшін жоба қызметкерлері мониторингтік тексерістер жүргізеді.

Ақпарат көзі: ГУ «Аппарат акима Карагандинской области»