Бұланды ауданында екі тәулік ішінде 8 мың текше метрден астам қар шығарылды. Бұл жұмыстарға 40 жүк көлігі, 15 тиегіш, 3 экскаватор жұмылдырылды. Макинск қаласындағы ұйымдардың күшімен арықтар мен су өткізу құрылымдарын мұз бен қардан тазарту бойынша сенбіліктер ұйымдастырылып, С. Сейфуллин, М. Яглинский, Ш. Уәлиханов көшелерінде жүргізілді. Барлығы 5 сенбілік өткізілді. Жалпы, 6,5 км арық жүйесі тазартылды.

Аудан әкімі Ардақ Смайыловтың айтуынша, қала секторларға бөлініп, қарды шығару үшін техника саны көбейтілді.

«Ақмола облысының әкімі Марат Ахметжановтың тапсырмасы бойынша біз қар шығару жұмыстарын күшейттік. 17 наурыздан бастап Бұланды ауданында су тасқынына қарсы штаб жұмыс істеуде. Қала 7 секторға бөлінді, қазіргі уақытта 150 мың текше метрден астам қар шығарылды. Барлық жұмыстар тұрақты бақылауда», – деп атап өтті аудан әкімі.

Сонымен қатар зейнеткерлердің, жалғыз тұратын азаматтардың және әлеуметтік нысандардың аумағын қардан тазарту жұмыстары жүргізілді.

Ақпарат көзі: ГУ «Аппарат акима Акмолинской области»