Enbek.kz электрондық еңбек биржасында осы жылдың маусым айында жұмыс берушілер 94,4 мың бос жұмыс орнын, ал жұмыс іздеушілер 88,9 мың түйіндеме орналастырды.

Бос жұмыс орындарының жалпы өсуіне қарамастан, фермерлерге, ауыл шаруашылығы, өнеркәсіп, құрылыс және көлік жұмысшыларына сұраныстың төмендеуі байқалды. Ұсыныс тарапынан ауыл шаруашылығы жұмысшылары мен өндірістік сектор операторларының түйіндемелері санының төмендеуі байқалды. Бұл ретте біліктілік бойынша сұраныс құрылымы өзгеріссіз қалды – ең жоғары сұранысқа орташа білікті жұмысшылар ие болды (32,8 мың бос жұмыс орны немесе 37 %).

Маусым айында білім беру (18,4 мың бос жұмыс орны), басқа да қызмет түрлері (16,4 мың бос жұмыс орны), денсаулық сақтау (8,9 мың бос жұмыс орны) және құрылыс (8,5 мың бос жұмыс орны) ұйымдары еңбек нарығында дәстүрлі түрде жоғары белсенділік танытты. Олар орналастырылған барлық жұмыс орындарының жартысынан көбін құрады.

Маусым айында білікті қызметкерлер арасында ең танымал мамандықтар автокөлік жүргізушілері (1,7 мың бос жұмыс орны), медбикелер (1,6 мың бос жұмыс орны) және тәрбиешілер (1,5 мың бос жұмыс орны) болды. Бұл ретте PR-менеджерлерге (+1,2 мың бос жұмыс орны), іс жүргізушілерге (+948 бос жұмыс орны) және автоматтандыру инженерлеріне (+235 бос жұмыс орны) сұраныс артты.

Маусым айында жұмыс берушілер ең көп төлемді бас құрылысшыларға (орта есеппен 662 мың теңгеден бастап), үңгілеушілерге (~612 мың теңге), сондай-ақ IT-қосымшаларды әзірлеушілерге (~563 мың теңге) ұсынды.

Ізденушілер тарапынан басшылық лауазымдарға үміткерлерден басқа, ең жоғары қажетті жалақыны ұшқыштар (орта есеппен 1 млн теңгеден бастап), кеме капитандары (~933 мың теңге) және коммерциялық кәсіпорындардың құрылымдық бөлімшелерінің басшылары (~920 мың теңге) сұрады.

ҚР Еңбек және халықты әлеуметтік қорғау министрлігі

Ақпарат көзі: ГУ «Аппарат акима Карагандинской области»