«Өнеркәсіптік қауіпсіздік саласындағы кейбір бұйрықтарға өзгерістер енгізу туралы» Қазақстан Республикасы Төтенше жағдайлар министрінің бұйрығының жобасы «Қазақстан Республикасының кейбір заңнамалық актілеріне кәсіпкерлік қызмет саласында жаңа реттеушілік саясатты ендіру және Қазақстан Республикасы ішкі істер органдарының жекелеген функцияларын қайта бөлу мәселелері бойынша өзгерістер мен толықтырулар енгізу туралы» 2021 жылғы 30 желтоқсандағы Қазақстан Республикасы Заңының және 2024 жылғы 18 шілдедегі Төтенше жағдайлардың алдын алу және оларды жою жөніндегі ведомствоаралық мемлекеттік комиссия отырысының хаттамасының нормаларын іске асыру шеңберінде әзірленді. 

Осы бұйрық жобасында нормаларды өнеркәсіптік қауіпсіздік саласындағы мемлекеттік инспекторлардың мәртебесі бөлігінде «Азаматтық қорғау туралы» ҚР Заңына сәйкес келтіру, цифрлық технологияларға көшу, құрылыс нормаларын өзектендіру, мәтіндерді аутентификациялау, сондай-ақ Қағиданың жекелеген ережелерін редакциялық жағынан жетілдіруге және жаңартуға байланысты бірқатар түзетулері қарастырылған.

Қоғаммен бұйрық жобаны талқылау үшін 2024 жылғы 12 қыркүйегінде Ашық НҚА сайтында жарияланды (https://legalacts.egov.kz/npa/view?id=15199624) және 2024 жылғы 12 қыркүйегінде ҚР Төтенше жағдайлар министрлігінің ресми сайтында орналастырылды.

Жобаны қабылдау теріс әлеуметтік және/немесе экономикалық салдарға әкелмейді.  

Ақпарат көзі: Министерство по чрезвычайным ситуациям Республики Казахстан