Нұра ауданы Изенді ауылында "Ауыл – Ел бесігі" жобасы бойынша жаңа су құбыры салынды. Шілде айының соңына қарай ауыл тұрғындарының үйлерінде орталықтандырылған су жүйесі пайда болады. Жақында мұнда тұрғындар сұраған заманауи фельдшерлік-акушерлік пункттің құрылысы және жолдарды асфальттау басталады.

Шамамен 20 жыл бойы Ізенді тұрғындары су мұнарасынан су алуға мәжбүр болған. 10 баласы бар Айгүл Әбілдинованың отбасына екі күнге 400 литр су қажет.

– Бірақ жазда ол да аз.  Сондықтан үнемдеуге тура келді. Мен көкөніс бақшасын, гүлдер отырғызу туралы тіпті ойламаймын да. Өткен жылы бізде су құбыры салына бастағанда, барлық тұрғындар қатты қуанды. Отбасымыз көпбалалы болғандықтан, біз барлық құбырларды үйге тегін қостық, – дейді Айгүл Әбілдинова.

Ауылда 11 шақырымнан астам құбыр төселді, желілер абоненттердің үйлеріне жеткізілді, Ұңғымаларды, резервуарларды, сорғы жабдықтарын және электр беру желілерін монтаждау аяқталды.

– Изендіде барлығы 600-ден астам адам тұрады – бұл 150 абонент. Біз тұрғындардың әлеуметтік осал санаттарына үйлерге құбырларды тегін тартуға көмектестік. Шілде айының соңына дейін су құбыры іске қосылады, – деді Ізенді ауылының әкімі Айдос Ағзамов.

Жақын арада су өткізгіш құбырларды төсеген соң 7 км жол асфальтталады.

Сондай-ақ, тұрғындар ФАП құрылысының басталуын күтуде. Ол ескі медициналық пунктті алмастырады.

Гүлзарды абаттандыру аяқталды, жарықтандыру тіректері, орындықтар, урналар орнатылды, төсеніштер төселді. Аумақ қоршалған.

Нұра ауданында барлығы 37 ауылдың 27-сі орталықтандырылған сумен қамтамасыз етілген. Желілердің тозуы 60 пайызды құрайды. Мәселе біртіндеп шешілуде. Өткен жылы Ақтөбе және Нығман ауылдарында суды тазарту модульдері орнатылды. Бұл кешендер Аққолқа мен Бестамакқа орнатылады.

Балықтыкөл және Жараспай ауылдарында су құбыры желілері мен тұщыландырғыштарды қайта жаңарту басталды, Құланұтпесте су құбыры желілерін салу жоспарланған. Қантайда желілер салу үшін ЖСҚ әзірленді.

Ақпарат көзі: ГУ «Аппарат акима Карагандинской области»