Облыс әкімі Берік Уәли аудандағы жұмыс сапары барысында «Ақсуат» мемлекеттік коммуналдық кәсіпорнының жұмысымен танысты.«Ақсуат» коммуналдық кәсіпорыны 14 ауылды ауыз сумен қамтамасыз етеді. Ақсуат ауылындағы кәріз жүйесіне қызмет көрсетеді. Сондай-ақ ауданның 32 елді мекеніндегі 460 шақырымнан астам автомобиль жолдарын күтіп-ұстау жұмысын жүргізеді.Мекеменің материалдық-техникалық базасы жыл сайын жаңартылып отырады. 2023 жылы 178 миллион теңгеге 6 арнайы техника, былтыр 247 миллион теңгеге 4 техника сатып алынған.Бүгінде кәсіпорында 103 адам жұмыс істейді. Олардың қарамағында 26 арнайы техника бар.Облыс әкімі коммуналдық кәсіпорынның аудан үшін маңызын атап өтіп, техникалардың санын арттыру бағытындағы жұмысты жалғастыру қажеттігін айтты. «Халыққа сапалы коммуналдық қызмет көрсету – басты міндет. Жолдарды қысы-жазы күтіп ұстау, су және кәріз жүйесінің үздіксіз жұмыс істеуі тұрғындардың өмір сапасына тікелей әсер етеді» деді аймақ басшысы.

Ақпарат көзі: Абай облысының әкімдігі