Алдағы екі жылда өңірде фельдшерлік-акушерлік пункттер мен дәрігерлік амбулаторияларды қоса алғанда, 25 алғашқы медициналық-санитарлық көмек нысандарының құрылысы жоспарланған. Төрт нысанның құрылысы аяқталды, тағы екеуі аяқталуға жақын. Жалпы құны 559,1 миллион теңге болатын жаңа ФАП бірі жақын арада Лисаков қаласының Октябрьский кентінде ашылады.Лисаковқа жұмыс сапары барысында облыс әкімі Құмар Ақсақалов қаланы абаттандыру барысымен танысты. Қалада ауқымды қайта құру жұмыстары жүргізілуде: асфальт жабыны жаңартылып, жаңа тротуарлар салынуда. Жалпы құны 180,6 миллион теңге болатын бұл жұмыстарды қаржыландыру жергілікті бюджеттен жүзеге асырылады. Барлық жұмыстарды жаздың соңына дейін аяқтау жоспарлануда.Сондай-ақ, 2023 жылдың тамызында ашылған "Қызыл желкен" балалар лагеріне барды. Лагерь құрылысының құны 307 миллион теңгені құрады, оның 210 миллион теңгесі жергілікті бюджеттен бөлінді, ал қалған қаражат басқа көздерден тартылды.Демалыс орыны5 маусым аралығында жыл сайын 600 баланың демалтып, сауықтыруға қауқарлы. Бұл жобаларды іске асыру қаланың инвестициялық тартымдылығын арттырады, жаңа жұмыс орындарын ашады және нәтижесінде халықтың өмір сүру сапасын жақсартады.Жалпы, облыс басшысы атап өткендей, кәсіпкерлік субъектілерін дамытуды ынталандыру мақсатында Лисаков қаласының әкімдігі кәсіпкерлік бастаманы іске асыру үшін қолайлы құқықтық, экономикалық, әлеуметтік жағдайлар мен кепілдіктер жасауға бағытталған шаралар кешенін жүргізуде.Лисаков тұрғындарымен кездесуде жолдарды жөндеу, аумақтарды абаттандыру, көшелерді жарықтандыру, газдандыру, нөсер кәрізі, қоғамдық көлік және қала өмірінің басқа да аспектілеріне қатысты өзекті мәселелер көтерілді.

Ақпарат көзі: ГУ «Аппарат акима Костанайской области»