Бүгін облыс басшысы Құмар Ақсақалов Қостанай ауданына жұмыс сапарымен барып, бірқатар инфрақұрылымдық жобалардың іске асырылу барысымен танысып, жергілікті тұрғындармен кездесті.Облыс әкімі атап өткендей, аудан тұрақты экономикалық өсім көрсетуде. Бюджет 88% - ға ұлғайып, 31,4 млрд. теңгеге жетті. "Ауданның дамуына жергілікті бизнес елеулі үлес қосуда. Тобыл қаласында 100 орындық "Бөпем-ай" жеке балабақшасының ашылуы жарқын мысал болып табылады", - деп атап өтті Құмар Ақсақалов.Аудан дамуының негізгі бағыттарының бірі халықтың өмір сүру сапасын жақсарту. Осы тапсырма аясында 1600-ден астам тұрғынды таза сумен қамтамасыз ететін жаңа су сорғы станциясы іске қосылды. "Жыл соңына дейін сумен жабдықтау деңгейін 87% - ға дейін арттыра отырып, тағы 8 елді мекенді қосу жоспарлануда", - деді облыс әкімі.Сонымен қатар, Құмар Ақсақалов іске асырылып жатқан жобалармен танысты, оның айтуынша, қолға алынған жобалар ауыл тұрғындарының өмір сүру сапасын жақсартып қана қоймай, жаңа жұмыс орындарын ашады.Жұмыс сапарының соңында облыс әкімінің аудан тұрғындарымен кездесуі өтті, онда ауданның даму перспективалары талқыланды. "Бірлесе отырып, біз әрбір тұрғынның өміріне қолайлы жағдай жасаймыз", - деді облыс әкімі.

Ақпарат көзі: ГУ «Аппарат акима Костанайской области»