Құрметті Ақсу қаласының тұрғындары!

Сіздерді қала күнімен және металлургтер күнімен шын жүректен құттықтаймын!

Ақсу - металлургтер қаласы. Қала құраушы кәсіпорын - Ақсу ферроқорытпа зауытында 6500-ден астам қала тұрғыны еңбек етеді. Әрбір ақсулық отбасы қалай болғанда да осы мамандықпен тығыз байланысты. Осынау айтулы мерекеде біз металлургтердің барлық буын өкілдеріне - алғашқы болып бастағандарға, зауыт пен электр станциясының құрылысшыларына және бүгінде инвестициялық жобаларды іске асырып, өндірісті цифрландырып жатқандарға алғыс айтамыз.

Бүгінде Ақсудың металлургиялық кәсіпорындары өңір мен ел экономикасына елеулі үлес қосуда. Бірлесіп бірқатар маңызды инфрақұрылымдық жобаларды іске асырудамыз.

Әрине, металлургтердің жұмысы асқан шыдамдылықты, тәртіп пен ерік-жігерді қажет етеді, сондықтан, металлург мамандығы қоғамда үлкен құрметке ие және солай болып қала бермек. Біз сіздердің жауапкершіліктеріңіз бен кәсібиліктеріңізді жоғары бағалаймыз.Қиын жұмыстарыңыз бен істеріңізге деген адалдықтарыңыз үшін рахмет.

Сіздерге және жақындарыңызға мықты денсаулық, молшылық және амандық тілеймін!

Ақпарат көзі: ГУ «Аппарат акима Павлодарской области»