Құрметті бұқаралық ақпарат құралдары қызметкерлері!

Сіздерді кәсіби мерекелеріңіз – бұқаралық ақпарат құралдары қызметкерлері күнімен құттықтаймын! Заманауи медиакеңістікті құраушылардың барлығы – жәй сырттан бақылаушы емес, қоғамдағы оң өзгеріс атаулының белсенді қатысушысы.

Бұқаралық ақпарат құралдары қай кезде де қоғамның маңызды институты болды және болып қала береді, ал мемлекеттік органдар үшін – халықпен кері байланыс жасаудың айнымас маңызды жолсерігі.

Журналистика – шығармашылық пен сараптау синтезі.Шеберліктің кемел мектебінен өткенөңір журналистері әрқашан өзіне тән қолтаңба-стилімен ерекшеленеді. Жақсы жаңалықтардың жаршылары қайнаған іс-шаралардың ортасында жүріп, облыс тыныс-тіршілігіне талдау жасайды.

Сол себепті, бұл салада нағыз кәсіби маман, рухани жағынан бай, батыл да парасатты тұлға, шығармашылықпен ойлай алатын, айналасына көмектесуге және пайда әкелуге дайын абзал жандардың көп болуы аса маңызды.

Осы жолдағы адал еңбегіңіз бен таңдаған ісіңізге деген шексіз құрметіңіз, алға қойған мақсатқа жетуге деген табандылығыңыз Сіздердің әрқайсысыңызды дүйім елдің ыстық ықыласына бөлеуде. Қадірі зор, жауапкершілігі мол мамандығыңыздың мәртебесі асқақтап,жұмыстарыңыз жемісті бола берсін!

Атырау облысының әкімі С. Шәпкенов

Ақпарат көзі: ГУ «Аппарат акима Атырауской области»