Қостанай облысының әкімі Құмар Ақсақалов Қарабалық ауданына жұмыс сапары аясында өңірдегі тіршілік ету жағдайларын жақсартуға бағытталған негізгі әлеуметтік жобаларды іске асыру барысымен танысты. Барып, аралаған нысандары: заманауи дене шынықтыру-сауықтыру кешені және қалпына келтірілген «Орталық» стадионы.

Мемлекет басшысы салауатты өмір салтын насихаттауға және бұқаралық спортты дамытуға ерекше назар аударады. Осы маңызды міндетті шешу үшін облыста қажетті шаралар қабылданып жатыр, бірінші кезекте спорттық инфрақұрылым құрылуда.

Дене шынықтыру-сауықтыру кешені – бұл жаңа спорттық жабдықтармен жабдықталған және жаттығу залдары бар заманауи ғимарат. Оның құрылысына 1,3 млрд. теңгеден астам қаржы жұмсалды, ғимараттың жалпы ауданы - 3,4 мың шаршы метр. Бұл жер - спорт пен белсенді өмір салтын ұстанушылардың жиналатын орнына айналады.

Спорт кешенінде күрес, волейбол, баскетбол, футбол, үстел теннисі, асық ату, шахмат бағыттары бойынша үйірмелер ашылады.

Сонымен қатар, мүмкіндігі шектеулі жандарға арналған үстел ойындары және егде жастағы адамдар үшін сауықтыру сабақтары қолжетімді болады.  Кешеннің ашылуы денсаулық пен физикалық белсенділікті сақтау үшін халыққа жағдай жасауға ұмтылысты көрсетеді.

Аяқталған нысандардың бірі – Қарабалық ауданындағы «Орталық» спорт стадионы. Оның құрылысына 876 млн. теңге жұмсалды. Стадионды қалпына келтіру Қарабалық тұрғындарына спортпен шұғылдану үшін қолайлы жағдай жасауға мүмкіндік берді. Он жылдар бұрын  салынған стадион енді әр түрлі масштабтағы спорттық іс-шараларды өткізуге дайын. Ол жүгіру жолдарымен жабдықталған және онда футбол алаңы, спорттық ойын алаңдары бар. Стадион - аудандық және ауданаралық жарыстарды өткізу, сондай-ақ жергілікті спортшыларға жаттығу базасы болу үшін салынған.

Сапар барысында әкім Қарабалық ауданының тұрғындарымен де кездесті. Кездесу барысында өңірдің өзекті мәселелері мен даму перспективалары талқыланды. Құмар Ақсақалов мемлекеттік органдар мен халықтың бірлескен күш-жігері ауылдық аумақтарды табысты дамытудың негізгі факторы болып табылатынын атап өтті.

Сапар соңында Қостанай облысының әкімі облыстық спартакиаданың салтанатты ашылу рәсіміне қатысып, жарыстың басталуына бастама берді.

Ақпарат көзі: ГУ «Аппарат акима Костанайской области»