2024 жылғы 27 қыркүйекте Ақмола облысының Көкшетау қаласындағы «Оқжетпес» спорт кешенінде Қазақстан Республикасы Төтенше жағдайлар министрлігінің қоян-қолтық ұрыстың үздік жауынгерлері бас қосқан турнирдің бірінші күні аяқталды.

25 команда, төрт жүзден астам спортшы үздік жауынгер, ТЖ министрінің бірінші Кубогының иегері атағына сайысқа түсті. Бірінші күні кілемге барлық салмақ дәрежесіндегі ерлер мен әйелдер командалары қатысты. Айта кету керек, қатысушылардың көпшілігі атақты спортшылар. Мысалы, Дайана Амантаева осыдан 2 апта бұрын Бішкекте өткен Азия чемпионатының күмісін жеңіп алды.Төрешілікті ұлттық және халықаралық санаттағы төрешілер де жүргізетін болады. Қонақтардың арасында Қазақстан Республикасының күш ведомстволары мен Бүкілқазақстандық қоян-қолтық ұрыс қауымдастығының өкілдері бар.Естеріңізге сала кетейік, ТЖ министрінің бастамасымен Төтенше жағдайлар министрлігінде «BATYR TEAM» спорт клубы құрылды. Аталған турнир осы клуб аясында өткізіліп, Қазақстан Республикасының Құтқарушылар күніне орайластырылған.

Жарысты өткізудің маңызды мақсаты - республикалық және халықаралық деңгейдегі жарыстарда азаматтық қорғау органдарының атынан өкілдік ететін ТЖМ құрама командасына іріктеу болып табылады.

ТЖМ баспасөз қызметі

Ақпарат көзі: Министерство по чрезвычайным ситуациям Республики Казахстан