Мемлекеттік қызмет істері агенттігі бастамасымен ҚР Президент жанындағы Мемлекеттік басқару академиясында Президенттік жастар кадр резервінің мүшелеріне арналған біліктілікті арттыру бойынша оқыту семинарлары өтті.

Оқыту 16-27 қыркүйек аралығында офлайн және онлайн форматта ұйымдастырылып, стратегиялық сессиялар, интерактивті пікірталастар, тренингтер, пікір алаңдары мен кейс-стади сынды әдістерді қамтыды. Аталған тәсілдер ұсынылған материалдарды терең зерттеуге, оларды әртүрлі салаларда қолдану үшін қажетті дағдыларды дамытуға және мемлекеттік сектордың басқару мәдениетіне өзгерістерді тиімді енгізу үшін резервшілердің құзыреттерін жетілдіруге бағытталған.

Осы модульдер аясында трендтерді анықтау және болжау үшін Big Data үлкен деректерді талдау, тиімді коммуникациялар мен көпшілік алдында сөйлеу, өзгерістерді басқару және жобалық менеджмент тақырыптары қарастырылды.

Семинарларда отандық спикерлер, танымал жаттықтырушылар мен коучтар дәріс  берді.

Атап өту керек, резервшілерге арналған арнайы оқыту курстарын өткізумен қатар, ПЖКР мүшелерімен тұрақты негізде кездесулер, олар үшін пікір алмасуға және жаңа жобаларды талқылауға мүмкіндік беретін коворкинг-кеңсесі жұмыс істейді.

Ақпарат көзі: Агентство Республики Казахстан по делам государственной службы