Спорт күні Қарағандыда QARAGANDY HALF MARATHON 2024 дәстүрлі жартылай марафоны өтеді. 18 тамызда жарысқа жүгірушілер мен жанкүйерлер шақырады.

Қарағанды облысының дене шынықтыру және спорт басқармасы жартылай марафон ұйымдастырады.

Қашықтық:

- 21 км 97,5 м (18 жастан асқан);

- 10 км (18 жастан асқан);

- 5 км (жүгіру және скандинавиялық жүру, 15 жастан жоғары);

- 2 км – мүгедектігі бар жүгірушілердің қатысуымен балалар жарысы (9 жастан 14 жасқа дейін);

- "Экиден" – 21 км 97,5 м (командалық эстафета, 16 жастан жоғары).

Таңдалған қашықтықты жүгіргісі келетіндердің барлығы qaragandy-halfmarathon.kz ресми сайтында тіркеліп, бастапқы жарнаны енгізуі тиіс (скандинавиялық жүру мен 2 км қашықтықтан басқа). Жарысқа мүмкіндігі шектеулі жандар қатыса алады.

Соңғы мәліметтер бойынша, жартылай марафонға қатысуға 2,5 мыңға жуық адам өтінім берген. Қатысушылардың географиясы кең - Қазақстанның барлық өңірлері, әсіресе Астана, Алматы және Павлодар облыстарынан келген жүгірушілер, сондай-ақ Ресей, Украина және Қырғызстаннан келген қонақтар көп болады.

510 бала (9 жастан 14 жасқа дейін), оның ішінде мүмкіндігі шектеулі жандар да жүгіруге ниет білдірді. Скандинавиялық жүру жарысының ең үлкен қатысушысы 86 жаста.

Жүгірушілерге ыңғайлы болу үшін бастапқы қалашықтың әртүрлі жерлерінде QR код орналастырылады. Оның көмегімен сіз өз нәтижеңізді бірден біле аласыз.

Әр қашықтық бойынша қатысушылар естелік медальдармен, жеңімпаздар мен жүлдегерлер медальдармен, бағалы және ақшалай сыйлықтармен марапатталады.

Толық ақпарат qaragandy-halfmarathon.kz және @qaragandymarathon.kz.

Өтетін орны: "Қарағанды-Арена" Мұз сарайының алаңы.

Басталуы 08:00.

Қарағанды облысының дене шынықтыру және спорт басқармасының ақпараты бойынша

Ақпарат көзі: ГУ «Аппарат акима Карагандинской области»