18 тамыз күні таңертең Қарағандыдан және Қазақстанның, Қырғызстанның, Украинаның, Ресейдің қалаларынан келген 3192 әуесқой, сондай-ақ АҚШ-тан келген ерлі-зайыптылар QARAGANDY HALF MARATHON дәстүрлі жартылай марафонына қатысты.

58 жастағы Айман Алдыбаева жарысқа әріптестерімен келді, ол Senim_109 қызметінде жұмыс істейді.

– Бірінші рет қатысып отырмын. Біз әріптесіміздің әңгімесінен кейін қызығушылық таныттық. Онны қолдаймыз дем шешім қабылдадық. Senim_109 қызметінен үш адам келіп отырмыз. 5 шақырым жүгірдік. Осындай іс-шаралар көбірек болса екен, – дейді Айман Алдыбаева.

Ұйымдастырушылар – Қарағанды облысының дене шынықтыру және спорт басқармасы – бірнеше қашықтықты дайындады. Ең ұзыны – 21 км 97,5 м (18 жастан асқан қатысушылар үшін), 

10 км (ол да 18 жастан асқан адамдар үшін), 5 км (15 жастан асқан), 

2 км (9 жастан 14 жасқа дейін) және "Экиден" командалық эстафетасы – 21 км 97,5 м (16 жас және одан жоғары).

Наталья Бенедиктова скандинавиялық жүруле бірінші орынды иеленді. Ол 62 жаста, Семейден келді.

– Мен 2 жыл бойы скандинавиялық жүрумен айналысамын. Маған өте ұнайды, денсаулыққа пайдалы. Қарағанды жартылай марафонына алғаш рет қатыстым. Барлығы ұнады, – деп бөлісті Наталья Бенедиктова.

500-ден астам бала (9–14 жас), оның ішінде мүмкіндігі шектеулі балалар да жартылай марафонда өз күштерін сынады.

Мүгедектігі бар балалар арасында бірінші болып мәреге ағасы Серік Ағыбаймен бірге Әмір Өмірбек келді.

– Біз дайындалдық, енді міне соның нәтижесін көріп отырмыз. Әмір жылдамдықты жақсы көреді және қорықпайды, біз онымен үнемі жүгіреміз. Мұндай марафондар қоғамға қажет: адамдарда спортпен шұғылдануға ынта пайда болады, – дейді Серік Ағыбай.

Он екі жасар Радион Ковалев өткен жылы Қарағанды жартылай марафонында екінші орын алды.

– Биыл 5 км жүгірдім. жүзумен айналысамын, жартылай марафонға жаттықтырушыммен келдім. Ата-анам мені қолдайды, – дейді Радион Ковалев.

Жеңімпаздар мен жүлдегерлер медальдармен, бағалы және ақшалай сыйлықтармен, ал қалған қатысушылар естелік медальдармен марапатталды.

Қарағандылықтар мен облыс қонақтары тамыздың әр үшінші жексенбісіне сәйкес келетін спорт күнін дәстүрлі жартылай марафонмен атап өтті.

Ақпарат көзі: ГУ «Аппарат акима Карагандинской области»