Мәди Такиев Қазақстан мен Дүниежүзілік банктің қаржы тобы арасында қалыптасқан нәтижелі және табысты ынтымақтастықты жоғары бағалады. Сондай-ақ, инфрақұрылымдық жобаларды іске асыруға қосқан оң үлесін атап өтіп, қолдау көрсеткені үшін алғысын білдірді.

Ведомство басшысы атап өткендей, 30 жылдан астам ынтымақтастық барысында 8 млрд. АҚШ долларынан астам сомаға 48 ортақ жоба сәтті іске асырылды. Бүгінгі таңда белсенді портфельге 10 инвестициялық операция кіреді, оның ішінде траст қорынан қаржыландырылатын үш жоба, жалпы резервтелген қаражаттың таза көлемі 4,081 млрд. АҚШ доллары, оның ішінде 3,1 млрд. АҚШ доллары (76%) игерілді.

Дүниежүзілік банкпен әріптестік неғұрлым инклюзивті және орнықты өсуге қол жеткізу үшін Қазақстанда жүргізіліп жатқан реформаларды қолдауға бағытталған.

Кездесу барысында Аншула Кант Дүниежүзілік банк тобының жаңа инновациялық қаржы құралдарын таныстырды.

Кездесуге сондай-ақ Қазақстандағы Дүниежүзілік банктің Тұрақты өкілі Андрей Михнев және Дүниежүзілік банктің бас операциялық директоры Янина Ермакова қатысты.

Ақпарат көзі: Министерство финансов Республики Казахстан