27 қыркүйекте Алматы қаласында Апаттар медицинасы орталығының 30 жылдығына арналған марапаттау рәсімі өтті.

Ведомство басшысы генерал-майор Шыңғыс Әріновтың атынан Апаттар медицинасы орталығының ұжымын ҚР ТЖМ Азаматтық қорғаныс және әскери бөлімдер комитетінің төрағасы Кеген Тұрсынбаев құттықтады.

Қызметкерлерге грамоталар мен медальдарды тапсыра отырып, Кеген Тұрсынбаев әрбір қызметкер Төтенше жағдай режимінде жұмысқа дайындықтарын жоғары дәрежеде екенін атап өтті. «Сіздер күн сайын адамдарға көмекке келіп, қолдау көрсетіп және өмірлерін құтқаруға өз үлестеріңізді қосасыздар», - деп атап өтті.

Сондай-ақ, салтанатты іс-шарада Қорғаныс, Денсаулық сақтау министрлігі, Мемлекеттік күзет қызметі, Қызыл Жарты Ай қоғамы, С.Д. Асфендияров атындағы Қазақ ұлттық, Қазақстан-Ресей медициналық университеттерінің өкілдері құттықтау сөз сөйледі.

Жылдар бойы Апаттар медицинасы орталығының мамандары ең ірі ТЖ-ның медициналық-санитарлық зардаптарын жоюға қатысып, оқиға орнында алғашқылардың бірі болып шықты. Олар шұғыл түрде ТЖ пайда болған аймаққа жіберіліп, зардап шеккендерге медициналық көмек көрсетті, өмірлерін құтқарды. Шет мемлекеттердің сұранысы бойынша орталықтың мамандары ауқымды ТЖ зардап шеккен адамдарға, атап айтқанда Ауғанстанға, Түркияға және басқа елдерге көмек көрсету үшін шетелге де барды. Апаттар медицинасы орталығының қызметкерлері еліміздің әр аумағында тәулік бойы режимде жұмыс атқарып келеді.                 

ТЖМ баспасөз қызметі

Ақпарат көзі: Министерство по чрезвычайным ситуациям Республики Казахстан