Қазақстанның Мәдениет және ақпарат министрлігі баспа, радио- және интернет-журналистика саласынжағы «ҮРКЕР-2024» ұлттық сыйлығына өтінімдер қабылдау басталғаны туралы жариялады.

Медиаконтент өндіретін және тарататын республикалық, өңірлік және халықаралық радиостанциялар, баспа және интернет-басылымдар байқауға қатыса алады.

Өтінімдер 2024 жылғы 1-ші қыркүйекке дейін қабылданады.

Конкуртық жұмыстар 2023 жылдың 7 тамызы мен 2024 жылдың 11 тамызы аралығында республикалық, өңірлік және халықаралық баспа және интернет-басылымдарда жариялануы немесе радиоэфирде шығуы тиіс. Әр үміткер байқаудың тек екі номинациясына қатыса алады.

Өтінімдер urker-awards.kz ресми сайтында 12 номинация бойынша қабылданады:

1. Жылдың үздік сұхбаты.

2. Жылдың үздік репортажы.

3. Әлеуметтік тақырыптағы үздік материал.

4. Жылдың үздік журналистік зерттеуі.

5. Жылдың үздік аналитикалық материалы.

6. Радиостанциядағы үздік жоба.

7. Жылдың үздік фотосуреті.

8. Жылдың үздік жаңалықтар порталы.

9. Үздік өңірлік БАҚ.

10. Халықаралық БАҚ-та Қазақстан туралы жарияланған үздік материал (баспа, радио, интернет-журналистика саласында).

11. Үздік подкаст.

12. Үздік YouTube каналы.

Жұмыстарды беделді журналистер, саланың еңбек сіңірген қайраткерлері мен халықаралық медиасарапшылардан құралған тәуелсіз қазылар алқасы бағалайтын болады.

Конкурс қорытындысы бойынша әр номинацияның жеңімпазына «ҮРКЕР» естелік мүсіншесі мен 1 000 000 теңге көлемінде ақшалай сыйақы табысталады.

ҚР Мәдениет және ақпарат министрлігі

Ақпарат көзі: ГУ «Аппарат акима Карагандинской области»