Құрметті Шахтинск қаласының полиция қызметкерлері, ардагерлері! Сіздерді кәсіби мерекелеріңіз – Қазақстан полициясы күнімен құттықтаймын!1992 жылы 23 маусымда Жоғарғы Кеңес «Қазақстан Республикасының ішкі істер органдары туралы» Заңын қабылдады, бұл полицияның практикалық қызметінің құқықтық негіздерін қалыптастырған алғашқы акт болып табылады. Күн сайын тәртіп сақшылары дағдарыс жағдайына тап болған адамдарға көмекке келіп, қылмысты ашып, қоғамдық тәртіпті қорғауда. Әділ мемлекет құруда әрқайсыңыз шынайы патриотизмнің, адалдықтың және өз ісіне жауапкершілікпен қараудың үлгісін көрсетіп келесіздер.Сіздердің адал қызметтеріңіз үшін шын жүректен алғыс айта отырып, Сіздерге жүктелген кәсіби міндеттеріңізді лайықты орындауды, қажырлы еңбектеріңізге табыс тілеймін, менің ойымша, ең бастысы - халықтың сенімі және біздің қаламыздың ішкі тыныштығын қорғау. Зор денсаулық, отбасыларыңызға амандық!

Шахтинск қаласының әкімі Қыдырғанбеков М. 

Ақпарат көзі: ГУ «Аппарат акима города Шахтинск»