СҚО әкімдігінің отырысында білім беру нысандарының жаңа оқу жылына дайындығы мәселесі қаралды.

Облыста білім саласын қаржыландыру жыл сайын өсуде.  Бастауыш сынып оқушыларын тегін тамақтандыру екінші жыл ұйымдастырылып келеді. Биыл 53 білім беру нысанын күрделі жөндеуден өткізуге 6,1 млрд теңге бөлінді.

Ерекше қажеттіліктері бар балалар үшін «Береке» шағын ауданындағы 50 орындық жатақханасы бар 300 балаға шақталған арнаулы мектеп жаңа оқу жылынан бастап жұмысын бастайды. Бұл ерекше білім беру қажеттілігі бар балалар үшін ерекше жағдай жасайды.

«Жайлы мектеп» ұлттық жобасы аясында «Береке» және «Орман» шағын аудандарында 2 мектептің құрылысы жүргізілуде.

Бүгінде 440 мектепте интернет жылдамдығы 20 Мбит/сек және одан жоғары, оның ішінде 140 мектепте Starlink жабдығын орнату есебінен жылдамдық ұлғайды. 

Аймақ басшысы блок-модульдік қазандықтарды орнатуды қысқа мерзімде аяқтап, мектептердің жылу беру маусымына толық дайын болуын қамтамасыз етуді, сондай-ақ білім беру нысандарындағы барлық жөндеу жұмыстарын дер кезінде аяқтауды тапсырды.

Ақпарат көзі: КГУ «Аппарат акима Северо-Казахстанской области»