Бүгін СҚО әкімі Ғауез Нұрмұхамбетов екінші жылу электр орталығында жылыту маусымына дайындық бойынша көшпелі кеңес өткізіп, «Севказэнерго» АҚ кәсіпорындарының есебін тыңдады. 

Биыл «Севказэнерго» АҚ ЖЭО-2 жөндеу жұмыстарына 17,6 млрд теңге бөлді.  Қазір бір қазандық пен екі турбоагрегатқа күрделі жөндеу жүргізілуде.  Сондай-ақ бір қазандық пен бір турбоагрегат қайта жаңғыртылуда. Мұржаға тексеру жүргізіледі.  Компания басшылығы алдағы жылыту маусымында облыс орталығын 2 мұржа жылумен қамтамасыз етеді деді.  Сонымен қатар, жаңа мұржаның құрылысы жүргізілмек.

«СК РЭК» АҚ 401 шақырым электр желісін және 18 қосалқы станцияны жөндеу және қайта құруды жоспарлап отыр.  Су тасқыны кезінде 700-ден астам электр бағаналары зақымданған.  Бүгінгі таңда 200-ден астам бағана қалпына келтірілді.  Сонымен қатар, су тасқынының ерекшеліктері ескеріліп, беріктігі жоғары металл бағандары орнатылуда.  

Инвестициялық бағдарламаларын жүзеге асырумен қатар, компания әкімдікпен бірлесіп инфрақұрылымды дамытуға, соның ішінде ауылдардағы тозығы жеткен электр желілерін жаңартуға несиелік қаражат тартуды жоспарлап отыр.

«Петропавл жылу желілері» ЖШС 6,4 шақырым магистральдық және тарату желілерін жөндеп, қайта қалпына келтіреді.  Сондай-ақ, Сәтпаев көшесіндегі жылу магистралінің құрылысы аяқталады, Ружейников көшесіндегі жылу магистралін жаңғырту басталды.  

"Жиын қорытындысы бойынша жауапты мемлекеттік органдарға құрылыс-жөндеу жұмыстарының барысын қатаң бақылауға алуды, алдағы жылу беру маусымының үздіксіз өтуіне толық әзірлікті қамтамасыз етуді тапсырдым", - деп жазды өңір басшысы әлеуметтік желіде.

Ақпарат көзі: КГУ «Аппарат акима Северо-Казахстанской области»