СҚО әкімі Ғауез Нұрмұхамбетов жылыту маусымының қарсаңында бүгін Петропавл 2-ші ЖЭО-да болып, кеңес өткізді. Жиында жылу электр орталығының тұрақты жұмысын қамтамасыз ету мәселелері талқыланып, жабдықтардың жағдайы мен алдағы қысқа дайындығын тексерді. Жаңғырту және жөндеу жоспарларының орындалуына ерекше назар аударылды.

Стансада №9 қазандық пен №3 турбоагрегатты күрделі жөндеу аяқталды. Сондай-ақ 9 қазандық пен 3 турбоагрегаттағы жабдықтарға ағымдағы жөндеу жасалды. №1  қазандық пен №6 турбоагрегатты күрделі жөндеу жалғасуда.  Айта кету керек, жылыту маусымын бастау үшін 5 қазандық пен 5 турбогенератор қажет, олар жұмыс істеп тұр. 

"Станцияда көмір қоры да жеткілікті. Көмір  тұйықтарда да бар, сондықтан тұрғындарды қатты отынмен ертерек қамдануға шақырамын", - деп атап өтті өңір басшысы. 

Оған қоса, жаңа мұржа салынуда. Атап өткен жөн, істеп тұрған екі мұржа қаланы жылумен қамтамасыз ете алады. 

«Петропавл жылу желілері» ЖШС №3 жылу магистралін жаңғыртуды аяқтады. №6 жылу магистралін жаңғырту басталды. Барлығы 5 шақырымға жуық жылу желілері ауыстырылды. «СК РЭК» 246 км әуе желілерінде жұмыс жүргізді. Су тасқыны кезінде бұзылған жаңа электр бағандарын орнату аяқталуда.

Жалпы облыс бойынша 1 мың шақырымнан астам электр желісі, 8 шақырым жылу желісі, 7,4 шақырым су құбыры ауыстырылды. Облыс орталығының солтүстік бөлігін тұрақты жылумен қамтамасыз ететін жылу магистралі салынуда. 

"Барлық жауапты тұлғаларға жылыту маусымы мәселелерін қатаң бақылауда ұстауды және қыста жылуды үздіксіз қамтамасыз етуді тапсырдым", - деді облыс әкімі.

Ақпарат көзі: КГУ «Аппарат акима Северо-Казахстанской области»