Өңір басшысы Ғауез Нұрмұхамбетов бастаған Солтүстік Қазақстан облысының ресми делегациясы Ресей Федерациясының Омбы облысында болды. Сапар барысында шекаралас аймақтың өнеркәсіп және ауыл шаруашылығы кәсіпорындарын, ғылыми және мәдени орталықтарын аралады.

Қазақтың ғалымы Шоқан Уәлихановтың ескерткішіне гүл шоқтарын қойып, мемориалдық кешенде екінші дүниежүзілік соғыста қаза тапқандарға тағзым етті. Сондай-ақ, Омбыдағы қазақ ұлттық мәдени орталығының өкілдерімен де жылы кездесу өтті. 

Ресми делегация Омбы облысының Үкіметімен екі жақты кездесу өткізді. СҚО әкімі Ғауез Нұрмұхамбетов пен Омбы облысының губернаторы Виталий Хоценко әртүрлі салалардағы шекаралық ынтымақтастықтың өзекті мәселелерін талқылады. Екі өңір арасында сауда-экономикалық байланыстарды нығайту үшін мүмкіндіктер мол.

«ОмЗИТ», «Планет-Центр» серіктестіктері және «Qyzyljar" АЭА арасында ынтымақтастық туралы меморандумдарға қол қойылды. Оның аясында өңірімізде жылу-энергетикалық қондырғыларды шығару, сондай-ақ икемді орауыш және орау материалдарын өндіру бойынша инвестжобалар жүзеге аспақ.

Ақпарат көзі: КГУ «Аппарат акима Северо-Казахстанской области»