Солтүстік Қазақстан облысының сүтті мал шаруашылығы мен құс фабрикаларын дамытуды қолдау жөніндегі тәжірибесі бүгінде Қазақстанның басқа өңірлерінде ауқымды тарауда. 2023 жылдан бастап жылдық 2,5%-бен сүт-тауар фермаларын салуды жеңілдетілген несиелеу бойынша үлкен жоба басталды.

Жоба аясында биыл қуаттылығы 67 мың тоннадан асатын 16 ферма пайдалануға берілді. Ел бойынша барлығы 110-115 МТФ салу жоспарлануда. Солтүстік Қазақстан облысы тәжірибесінің тарихы мен нәтижелерімен СҚО әкімінің орынбасары Рүстем Құрманов бөлісті.

-2018 жылы Ауыл шаруашылығын мал шаруашылығына қарай әртараптандыру туралы шешім қабылданған кезде адамдарды ауылда ұстау облыстың басты мақсаты болды, - деп атап өтті Рүстем Құрманов.

-Статистикаға сүйенсек, 2000-шы жылдардан бастап халықтың үштен біріндей150 мыңға жуық адам Солтүстік Қазақстан облысынан кеткенін көрдік. Ол кезде өңірде негізінен астық монокультураларын – бидай мен арпаны өсірумен айналысқан, бұл жылына 6-7 айға халықтың толық емес жұмыспен қамтылуын қамтамасыз етті. Ал біз халықты жыл бойы жұмыспен қамтуды қамтамасыз етуді, ауыл тұрғындарының табысын арттыруды және ауылдағы әлеуметтік инфрақұрылымды жақсартуды мақсат етіп қойдық.

Сондықтан сүтті мал шаруашылығына, етті құс шаруашылығына және шошқа шаруашылығына баса назар аудара отырып, ауыл шаруашылығын әртараптандыру туралы шешім қабылданды.

Біз 2020 жылдан бастадық, ал 2021 жылы 10 өнеркәсіптік ірі сүт-тауар фермасы жұмыс істеді, 2022 жылы – 8, 2023 жылы – 6, 2024 жылы тағы 17-ні жоспарлап отырмыз, оның екеуі пайдалануға берілді. Біз ауыл шаруашылығын әртараптандырудың нәтижелерін көріп отырмыз-облыстан тұрғындардың кетуі айтарлықтай төмендеді. Сонымен қатар, мал шаруашылығының қажеттілігі қысқа мерзімде СҚО-дағы егіс алқаптарының құрылымын жемшөп дақылдарының пайдасына өзгертуге әсер етті. Мұның бәрі ұйымдасқан сүт-тауар фермаларында тауарлық сүт өндірісін 18%-ға, 2018 жылғы 178 мың тоннадан 2023 жылы 210 мың тоннаға дейін ұлғайтуға мүмкіндік берді. Бүгінде СҚО-сапалы сүт өндіру бойынша Қазақстанның көшбасшылары.

Кеңесте сондай-ақ ветеринариялың мәселелер, ауыл шаруашылығындағы статистиканы өзектендіру, ЕО елдеріндегі эпизоотиялық жағдай, қой шаруашылығының экспорттық әлеуеті, жобаларды қаржыландыру мәселелері және т.б. талқыланды.

- Біз көптеген шет елдерде сапасы бойынша бағаланатын Қазақстаннан ет, жаңа экспорттық нарықтарды кезең-кезеңімен ашамыз,-деді семинар-кеңес қатысушыларына вице-премьер Серік Жұманғарин.

- Алғаш рет өткен жылдың соңында мұздатылған сиыр етін жеткізу үшін Иран нарығы ашылды, Түркияға, ҚХР-ға жеткізу бойынша шектеулер алынып тасталды. Біздің еліміздің бес оңтүстік-шығыс аймағы аусыл ауруы бойынша еркін деп танылды, бірақ солтүстігі жабық күйінде қалып отыр.  

Ветеринария - қазақстандық ет өнімдерінің экспорттық әлеуетін тежейтін басты тосқауыл.  Ветеринарияда барлық процестерді цифрландыру арқылы ғана тәртіп орнатуға болады. Қазір ауыл шаруашылығы министрлігі бұл мәселемен белсенді айналысуда. Сонымен қатар, жемшөп өндірісінің кешенді жоспарын құру бойынша жұмыстар жүргізілуде, барлық жайылымдарды көшіру міндеті тұр. Мұндай семинар-кеңестер мал шаруашылығы саласының барлық қатысушыларын мемлекеттің жоспарлары туралы хабардар ету және туындайтын кедергілерді талқылау үшін жүйелі түрде өткізілетін болады.

Ақпарат көзі: Министерство сельского хозяйства Республики Казахстан