Қарағандыға Түркияның жетекші жоғары оқу орындарының бірі – Ататүрік Университетінің делегациясы келді. Қонақтар Ә. Сағынов атындағы Қарағанды техникалық университетінде болды. Сапар барысында өзара түсіністік туралы меморандум жасалды.

Келісімге Ататүрік Университетінің ректоры Омер Чомакли және Басқарма төрағасы – А. Сағынов атындағы ҚарТУ ректоры Сәуле Сағынтаева қол қойды.

Кездесуде олар Ә. Сағынов атындағы ҚарТУ QS World University Rankings: Asia 2024 рейтингінде өткен жылмен салыстырғанда 20 позицияға көтеріліп, ТОП-251+ қатарына енгенін атап өтті.  Ал ұлттық рейтинг қорытындысы бойынша ол Қазақстанның үздік техникалық жоғары оқу орындары арасында бесінші орында тұр.

Эрзурум қаласында орналасқан Ататүрік Университеті - Түркияның ірі жоғары оқу орындарының бірі. Ол 1957 жылы құрылған. Қазіргі уақытта онда 45 мыңнан астам студент оқиды. Соңғы жылдары Түркияның жетекші жиырма университетінің және халықаралық рейтингтегі үздік жоғары оқу орындарының 5 пайызының қатарына кірді.

Ә. Сағынов атындағы ҚарТУ баспасөз қызметінің ақпараты бойынша

Ақпарат көзі: ГУ «Аппарат акима Карагандинской области»