Саран қаласында жаңа да жақсы дәстүр қалыптасып келеді. Қала тұрғындары Машина жасаушылар күнін ауқымды түрде атап өтті. Енді бұл Кеншілер күнімен қатар тағы бір басты мереке болмақ.

Бұл күні "Сұңқар" стадионына мыңдаған тұрғындар жиналды. 

Машина жасау саласын дамытуға қосқан үлесі, кәсібилігі және адал еңбегі үшін QazTehna зауытының үздік қызметкерлері марапатталды.

– Біз үшін Шахтер күнін тойлау әдетке айналған. Енді біз жаңа мереке - Машина жасаушы күнін атап өтеміз. QazTehna зауыты машина жасау саласын дамытудың флагмандарының біріне айналуда. Мұнда 700-ге жуық адам жұмыс істейді. Олардың жалақысы, еңбек жағдайы жақсы. Біде қаланы жақсырақ, әдемі және жайлы ету үшін осындай өндірістер көбейеді, – деді құттықтау сөзінде Саран қаласының әкімі Еркін Баулықов.

"QazTehna" ЖШС бас директоры Арғұлан Майконов құттықтау сөз сөйледі.

– Саран қаласының тарихында алғаш рет машина жасаушылар күні атап өтіледі. Біз бұған өте қуаныштымыз. Біздің компания үшін басты құндылық - күн сайын өз білімін толықтыратын, өз мүмкіндіктерін арттыратын және сол арқылы машина жасауды дамытуға көмектесетін адамдар, – деп атап өтті ол.

Стадионда үлкен ойын-сауық бағдарламасы дайындалды. 

Мепекеге жиналғандар мектеп автобусының макеті аясында суретке түсті. 

Балаларды аниматорлар ойнатты.

Саран тұрғындарының алдында жергілікті әртістер мен қазақстандық эстрада жұлдыздары – "Килиманджаро", "Домино", Prince Vernyi топтары өз өнерлерін көрсетті.

Мереке отшашумен аяқталды.

Қазақстанның машина жасаушылары өздерінің кәсіби мерекелерін қыркүйектің соңғы жексенбісінде атап өтеді.

Ақпарат көзі: ГУ «Аппарат акима Карагандинской области»