Саран қаласының мерейтойына ұйымдастырылған зияткерлік ойындар мен квесттерге 60-тан астам оқушы мен студент қатысты. Олар қаланың тарихы, маңызды нысандары мен ескерткіштері туралы мол мағлұмат алды және тақырыптық жобалар қорғады.

Ұйымдастырушы-қаланың жастар ресурстық орталығы.

– 22 маусымға дейін біз барлық тілек білдірушілердің өтінімдерін қабылдадық. "Картадағы есім" атты алғашқы квест 25 маусымда өтті, оның барысында қатысушылар Саранның 70 жылдығы туралы викториналық сұрақтарға жауап беріп, тапсырмаларды орындады. Олар бес адамнан тұратын төрт командаға бөлініп, қаланың көрікті жерлері туралы қызықты аңыздар ойлап тапты, өздері тұратын аудандарды жарнамалады және қызықты инвестициялық жобаларды қорғады, – деді Саран Жастар ресурстық орталығының жетекшісі Санди Ақанова.

Балалармен ойындарды "Балаға қолайлы қала" үкіметтік емес ұйымының қызметкерлері өткізді. Олар командалар үшін станцияларды және олардың ретін көрсететін маршруттық парақтарды әзірледі. Станцияларда қатысушыларға белгілі бір уақыт ішінде орындалуы керек қала тарихына байланысты тапсырмалар берілді. Әр тапсырма үшін командалар ұпайлар мен бекеттен өткені туралы белгі алды.

Ойындар аяқталғаннан кейін қатысушылар сыйлықтармен марапатталды.

Ақпарат көзі: ГУ «Аппарат акима Карагандинской области»