Алматының жоғары оқу орындары студенттерге болашақ кәсіби табыстардың негізін қалау арқылы шығармашылық және ғылыми әлеуетті іске асыруға көмектеседі. Алматы қаласы ТЖД қызметкерлері оңтүстік астананың ЖОО-да «Жер сілкінісі кезіндегі іс-қимылдар» атты кезекті көшпелі сабақ өткізді.

Алматының құтқарушылары Қ.Сәтбаев атындағы университеттің 1-курс студенттері мен профессорлық-оқытушылық құрамына дабыл шабаданының құрылымын, «қауіпсіз орындар» туралы түсіндірді және іс жүзінде зардап шеккендерге алғашқы көмек көрсетуді көрсетті.

Мұндай сабақтар кезінде студенттер тек білім ғана емес, сонымен қатар табиғи және техногендік сипаттағы төтенше жағдайлар кезінде әрекет ету дағдыларын алады.

Студенттер көптеген сұрақтар қойып, оларға толық жауаптар алды.

«Студенттік жылдары алған білім, білік және тәжірибе сіздің мансабыңыздың негізі болып табылады. Оқу нәтижелі болсын, ал алынған білім сіздің кәсіби жолыңызда сенімді тірек болсын» - деп өз сөзін Алматы құтқарушылары аяқтады.

Барлығы ЖОО-ның 350-ден астам студенті қатысты.

Алматы қаласы ТЖД

Азаматтық қорғаныс басқармасы

Ақпарат көзі: Министерство по чрезвычайным ситуациям Республики Казахстан