ШҚО 2024 жылы 117 мың гектардан астам пайдаланылмайтын жерді қайтарды

ШҚО-ның Жер қатынастары басқармасы 2024 жылы мемлекетке 117 мың гектар пайдаланылмайтын ауылшаруашылық жерлерін қайтарды. Бұл туралы Жер қатынастары басқармасының басшысы Надежда Михейлис Өңірлік коммуникациялар қызметі алаңында баяндады.

- Қайтарылған жерлердің ішінде 67 мың гектар жер пайдаланушылардың өз еркімен бас тартуы, 35 мың гектар жалдау мерзімінің аяқталуы, 3,3 мың гектар жергілікті атқарушы органдардың шешімдерін жою, 2,4 мың гектар сот шешімі арқылы қайтарылған. Жұмыс барысын облыстың Жер ресурстарын басқару Департаментімен белсенді ынтымақтастықта болған қала мен аудан әкімдіктері қамтамасыз етті, - деп атап өтті Надежда Михейлис.

Сонымен қатар, 2024 жылы халықтың жеке ауласындағы мал басының өсуіне байланысты жайылымдарға қажеттілік 69,9 мың гектарды құрады. Пайдаланылмайтын жерлерді ауыл шаруашылығы айналымына тарту арқылы бұл қажеттілік толық қамтамасыз етілді. «Жайылымдар туралы»ҚР Заңына енгізілген өзгерістер жергілікті бюджет есебінен жайылымдарды басқару және пайдалану жоспарларын әзірлеуді қарастырады.

Айта кету керек, ШҚО-ның геопорталы арқылы жер учаскелерінің кадастрлық құнын анықтау, инженерлік желілер карталарын көру, атмосфералық ауаның жағдайын онлайн бақылау, экология және қылмыс деректерімен жұмыс істеу мүмкіндіктері қамтамасыз етілген. Геопортал әртүрлі мемлекеттік деректер базаларымен біріктірілген, бұл жер қорының басқару жұмысын тиімді әрі заманауи етеді.

Ақпарат көзі: ГУ «Аппарат акима города Усть-Каменогорска Восточно-Казахстанской области»