Шахтинск қаласында жылыту маусымына дайындық және су құбыры желілерін қайта жаңарту жалғасуда. Жұмыс туралы Қарағанды облысының әкімі Ермағанбет Бөлекпаевқа қалаға жұмыс сапары кезінде баяндалды.

Тексерілген нысандардың бірі қалалық ЖЭО. Онда үш қазандық пен екі турбина жөнделіп, негізгі және қосалқы жабдықтар дайындалуда. Сонымен қатар, тұрғын үйлерді жылыту үшін Шахтинск қаласында 4 км жылу желілері ауыстырылып, құбырлар қалпына келтірілуде.

– Жұмыс кестеге сәйкес жүргізілуде. Биыл біз 4 км құбыр мен 2 км құбырдың жылу оқшаулағышын ауыстырамыз. Үшеуінде жұмыс аяқталды, қалғандарында шамамен 90–98 пайызы орындалды. 

Жылу оқшаулау бойынша да мерзімін өтейміз, – деді Шахтинск әкімі Мұрат Қыдырғанбеков.

Облыс әкімі Шаханға да барды. Қазандық жаңа жылыту маусымына дайындық үстінде. Негізгі міндет-алдағы қыста қазандықтарға суды тазартатын сүзгілер орнату және жылу бетінің жеке элементтерін ауыстыру.

– Біз барлық үш қазандықта конвективті жүйені, ал екіншісінде реакторды ауыстырамыз. Жұмыс қазірдің өзінде 60 пайызға орындалды, барлық материалдар жеткілікті. Бұған дейін бізде су тазартқыш болған жоқ, құбырлар жиі бітеліп қалып жүрді. Жүргізіліп жатқан жұмыс бұл мәселені шешуге көмектеседі. Жөндеуден кейін жанармай әкелеміз, – деді Шахан кентінің ҚжЖЖБ басшысы Наиль Исмагилов.

Сондай-ақ, өңір басшысы Қарағанды – Саран – Шахтинск автожолында болды. Мердігер белгіленіп, жолды жөндеуге кірісті. Биыл 4,2 шақырым жол ретке келтіріледі. Қалған 10 км келесі жылы жалғасады. Ермағанбет Бөлекпаев сарапшыларға битум төсеу технологиясын және үш қабатты жабынның қалыңдығын тексеруді тапсырды.

– Жол активтері сапасының ұлттық орталығы бұл жолды тексеруі керек. Жұмыстар қаржыландыру деңгейіне қарай жүргізілуде, жөндеу үш жылға есептелген, өйткені бұл күрделі жұмыс.  Біз үшін сапа маңызды, – деп атап өтті Ермағанбет Бөлекпаев.

Сондай-ақ, өңір басшысына Шахтинск қаласындағы су құбыры желілерін қайта құру туралы баяндалды. Бірінші кезеңде Абай көшесінен Жеңіске 40 жыл даңғылына дейін және Индустриальная көшесінен автовокзалға дейін 43 км жаңартылды. Биыл тағы 50 км жөндеу жоспарлануда, оның 23-і салынып, 120 құдық орнатылды.

Ермағанбет Бөлекпаев жұмыстың сапасын қадағалап, кестеден шықпауды тапсырды.

Ақпарат көзі: ГУ «Аппарат акима Карагандинской области»