Шанхай Ынтымақтастық Ұйымына мүше мемлекеттердің қоршаған ортаны қорғау мәселелеріне жауапты министрліктері мен ведомстволары басшыларының Бесінші кеңесі аясында Қазақстан Республикасы Экология және табиғи ресурстар министрімен Беларусь Республикасы Табиғи ресурстар және қоршаған ортаны қорғау министрі С.Маслякпен өткен екіжақты кездесуі барысында ағымдағы жылғы шілдеде жоспарланған Беларусь Республикасының ШЫҰ-ға кіруін Қазақстан құптайтынын Е. Нысанбаев атап өтті.

Е. Нысанбаев Қазақстан Республикасының инвазиялық өсімдіктер мен жануарларға қарсы күрестегі тәжірибесіне, халықаралық сарапшылармен бірлесіп 2030 жылға дейін Қазақстан Республикасында биоәртүрлілікті сақтау және орнықты пайдалану жөніндегі тұжырымдаманы әзірлеуге, Қазақстанның ерекше қорғалатын табиғи аумақтарының ауданын ұлғайту жоспарларына, Қазақстанның жоғары амбициялар коалициясына қосылуына және т. б. мәселелерге толығырақ тоқталды.

Сонымен қатар, Қазақстан Республикасы Экология және табиғи ресурстар министрі Е. Нысанбаевтың Ресей Федерациясы Табиғи ресурстар және экология министрінің орынбасары С. Аноприенкомен екіжақты кездесуі де нәтижелі болды.

Тараптар 2012 жылғы 2 маусымдағы Қазақстан Республикасының Үкіметі мен Ресей Федерациясының Үкіметі арасындағы шекара маңындағы аумақтардағы орман және дала өрттерінің алдын алу және оларды сөндіру жөніндегі Келісім шеңберіндегі ынтымақтастыққа толығырақ тоқталды.

Осы Келісімді орындау үшін жыл сайын өртті сөндіру бойынша бірлескен оқу-жаттығулар өткізілетінін атап өткен жөн.

Кейін, Қазақстан Республикасының Экология және табиғи ресурстар министрі Е. Нысанбаевтың Өзбекстан Республикасының Экология, қоршаған ортаны қорғау және климаттың өзгеруі министрі А. Абдухакимовпен екіжақты кездесуі өтті.

Кездесу барысында тараптар Қазақстан Республикасы мен Өзбекстан Республикасы арасындағы Қоршаған ортаны қорғау саласындағы қалыптасқан ынтымақтастықты атап өтті.

2022 жылғы желтоқсанда қол қойылған Қазақстан Республикасының Үкіметі мен Өзбекстан Республикасының Үкіметі арасындағы экология және қоршаған ортаны қорғау саласындағы ынтымақтастық туралы келісімге толығырақ тоқталды.

Тараптар орман шаруашылығы мен биоалуантүрлілік саласындағы қарқынды дамып келе жатқан өзара іс-қимылды атап өтті.

Қазіргі уақытта біздің елдеріміздің ағаш өсірушілері Арал теңізінің құрғаған түбінде (ОДАМ) Орман мелиорациясы мәселелері бойынша белсенді ынтымақтасуда. Аталған ынтымақтастық шеңберінде сексеуілді ОДАМ-ға отырғызу және себу бойынша ақпарат және технологиялар алмасу жүзеге асырылады.

Өткен кездесулер соңында тараптар барлық аталған бағыттар бойынша одан әрі сындарлы және жемісті ынтымақтастыққа үміт білдірді.

Ақпарат көзі: Министерство экологии, геологии и природных ресурсов Республики Казахстан