Шымкент қаласында Панкратион федерациясының ұйымдастыруымен ашық чемпионат өткізілді. Панкратион, грэпплинг - бұл әр түрлі күрес, бокс техникасы қолданылатын жекпе-жектің бір түрі.

 Бұл жарысқа  Шымкент қаласындағы №5 өрт сөндіру бөлімінің аға өрт сөндірушісі азаматтық қорғау сержанты Марат Әліпбаев қатысып, 77 кг салмақта бірінші орынды иеленіп, чемпион атанды. Ол бұл спорт түрімен 2013 жылдан бері айналысып келеді және Nomad MMA бойынша спорт шебері. Сонымен қатар ол «Ушу саньда», «Джиткундо», «Кикбоксинг» сияқты спорт түрлерінен республикалық, облыстық турнирлерде  жеңімпаз  атанған.

Марат Әліпбаев 2017 жылдан бастап азаматтық қорғау органында қызмет етеді.

Жұмыс істеген жылдары әртүрлі ТЖ салдарын жою бойынша авариялық-құтқару жұмыстарына бірнеше рет қатысты. Мәселен 2022 жылғы 7 тамызда көпқабатты тұрғын үйде өрт орын алып, оқиға орнына келген құтқарушылар үйдің есігі жабық екенін анықтады. Сол мезетте Марат

тез

әрекет

етіп,

үйдің

үшінші

қабатына

баспалдақ

қойып

,

анасы

мен

ұлын

өрттен

уақытылы

алып

шықты.

103 қызметі келгенге дейін алғашқы медициналық көмек көрсетіп, қайғылы жағдайдың алдын алды. Сондай-ақ 2023 жылғы 10 қазанда Шымкент қаласында көпқабатты тұрғын үйлердің бірінде болған өрт кезінде Марат өзінің кәсібилігін көрсетіп 4 және 5 жастағы балаларды құтқарды. Осы табандылығы мен қайсарлығы үшін Төтенше жағдайлар министрі мен қала әкімінің алғыс хаттарымен марапатталды.

Шымкент қаласы Төтенше жағдайлар департаменті құтқарушыны жеңісімен құттықтап қызметте де, спортта да жаңа белестерді бағындыра беруіне тілектестік білдіреді!  

 

Шымкент қаласы ТЖД баспасөз қызметі

 

 

 

 

 

Ақпарат көзі: Министерство по чрезвычайным ситуациям Республики Казахстан