Ағымдағы жылдың 7 тамыз күні сағ. 11.00-де Шығыс Қазақстан облысының талдау және болжау институттын мәжіліс залында (Өскемен қ., Протозанов көшесі, 7/1) Шығыс Қазақстан облысы әкімі аппаратының Әдеп жөніндегі уәкілімен ұйымдастырылған Мемлекеттік қызметтің оң имиджін нығайту бойынша азаматтық қоғам мен бұқаралық ақпарат құралдарының өкілдері үшін «Ашық есік күні» акциясы өтті.

Акцияға азаматтық қоғам өкілдері, бұқаралық ақпарат құралдары, мемлекеттік қызмет ардагерлері қатысты. «Ашық есік күні» акциясы дөңгелек үстел форматында өтті, онда көптеген сұрақтар қойылып жауаптар берілді.

Кездесудің басты мақсаты – мемлекеттік қызметке кіру туралы, Мемлекеттік қызметшілердің құқықтары мен міндеттері туралы әңгімелеу, мемлекеттік қызметшілердің Әдеп кодексімен танысу.

Әдеп Кодексі дегеніміз – халықтың мемлекеттік органдарға деген сенімін нығайтуға, мемлекеттік қызметте өзара қарым-қатынасты жоғары мәдениетін қалыптастыруға және мемлекеттік қызметшілердің әдепсіз мінез-құлық жағдайларын алдын алуға бағытталған негізгі құжат.

Әдеп жөніндегі уәкіл жұмысының мақсаты- мемлекеттік қызметшілер тарапынан Әдеп бұзушылықтардың үлесін азайту, сондай-ақ мемлекеттік қызметшілер тарапынан ғана емес, сонымен қатар азаматтық қызметшілердің, мемлекеттік органдарда жұмыс істеген қызметшілердің Әдеп бұзушылықтарын азайту.

Әдеп жөніндегі уәкілге мемлекеттік органдардың бірінші басшыларымен осындай іс-шараларды өткізу туралы ұсыныстар түсті. Ұсыныс мемлекеттік органдар басшыларының назарына жеткізіледі және жақын арада кездесу ұйымдастырылатын болады.

Осы акцияға қатысқандардың барлығына рахмет.

Ақпарат көзі: ГУ «Аппарат акима Восточно-Казахстанской области»