Азаматтық қорғау органының кәсіби мерекесі аясында Шемонаиха ауданының әкімі Григорий Акулов пен ТЖД бастығы Рашид Блялов құтқарушалыр аллеясын отырғызып, «Құтқару міндеті – мейірбан жандардың мәртебесі!» монументін ашты.

Аллея Усть-Таловка кентінде орналасқан. Монумент идеясы № 28 өрт сөндіру бөлімінің бастығы Дидар Әшімханға тиесілі. Д. Әшімхан М. Ғабдуллин атындағы Азаматтық қорғау академиясының түлегі, 5 жылдан астам отпен күресіп, аудан азаматтарының қауіпсіздігін қамтамасыз етуде.

«Монумент – бұл адамдардың өмірін құтқару үшін күн сайын өліммен бетбе-бет келуден қорықпаған батырларға арналған алғыс символы. Биыл біздің департаменттің қызметкерлерімен 2831 жедел шығу жүзеге асырылды, төтенше жағдайлар аймағынан 1075 адам эвакуацияланды, 235 адам құтқарылды. Бұл тұрғызылған монумент өскелең ұрпақты тәрбиелеуге рух береді», - деп ТЖД бастығы Рашид Блялов атап өтті.

Бұл іс-шараға ардагерлер, төтенше жағдайлар қызметінің жеке құрамы және ауыл тұрғындары қатысты.

 ШҚО ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан