Шығыс Қазақстан облысы Өңірлік коммуникациялар қызметінің алаңында Шығыс Қазақстан облысы Төтенше жағдайлар департаменті  бастығының орынбасары Серік Амангелдин өңір аумағында пешпен жылытылатын жеке тұрғын секторда тұратын әлеуметтік осал топтар арасында кең ауқымды профилактикалық жұмыс басталғанын атап өтті. 3 101 үй есепке алынған. Бүгінгі күні үй-үйді аралау жұмысы аяқталды. Нәтижесінде өрт қауіпсіздігі талаптарының 1 384 бұзушылығы анықталды. Оның ішінде 617 пешпен жылытуға, 540 электр желілері мен электр жабдықтарын пайдалануға, 227 басқа сипаттағы бұзушылықтар. Бұл үйлердің иелеріне анықталған бұзушылықтарды жою туралы нұсқаулықтар берілді.

Өрт қауіпсіздігі айлығы аясында ШҚО ТЖД аумақтық бөлімшелері мұқтаж және қозғалуы қиын азаматтарға түтін мұржаларын жиналған күйеден тазартуға, пеш жабдықтарындағы жарықтар мен саңылауларды бекітуге, пеш алдына қорғаныш тақтай орнатуға көмек көрсетті. Қазіргі уақытта 2 406 үйде улы газ датчиктері орнатылды.

Тұрғын үй секторында өрттен адамдардың қаза болуы 22%-ға азайып, 17 адамды құрады. Биылғы жылдың басынан бері улы газбен уланудан 22 адам зардап шекті.

ТЖД мамандарының жұмысы негізінен өрттің алдын алу және адам өлімі қауіп-қатерлерін азайтуға бағытталған.

Қысқы маусымды қауіпсіз өткізу үшін құтқарушылар мынадай шараларды өткізуді ұсынды:

түтін мұржаларын, түтін жолдарын және басқа да пеш жабдықтары мен жүйелерінің элементтерін күйеден тазарту:

жылытатын пештер үшін – үш айда бір рет;

үздіксіз жұмыс істейтін пештер мен ошақтар үшін – екі айда бір рет жүргізген жөн.

Түтін арналары өтетін шатырларда барлық түтін мұржалары мен қабырғалары әктелуі тиіс.

Пешті пайдаланған кезде мынадай жағдайларға жол берілмейді:

жанған пештерді қараусыз қалдыруға, сондай-ақ оларды қарауды балаларға тапсыруға болмайды;

пеш алдына жанғыш материалдар мен отынды қоюға болмайды;

қатты отынмен жағылатын пештерді тұтатуға жанғыш сұйықтықтарды қолдануға тыйым салынады.

ШҚО ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан