Аудандар мен қалалардың 100-ден астам оқушысы алғашқы медициналық көмек көрсету, өрт эстафетасы, техногендік авария кезіндегі іс-қимыл және зардап шеккендерді тасымалдау кезеңдерінен тұратын жарыста бақтарын сынап, сайыс жеңімпазы атану үшін күресті. Ұйымдастырушылар -  ШҚО білім басқармасы мен ШҚО Төтенше жағдайлар департаменті. Глубокое ауданының «Дарын» лагерінің базасында өткен жарыстар кезең-кезеңмен өтті.

Іс-шара барысында ШҚО ТЖД кәсіби құтқарушылары бір мезгілде балалардың дағдыларын жетілдіру бойынша мастер-класстар мен тренингтер ұйымдастырды.

Табанды күрестің қорытындысы бойынша облыстық «Іt-мектеп-лицейі» командасының балалары үздік атанды, жарыс жеңімпаздары: «Кезеңдерді еңсеру қызықты болғанымен, қиынға түскен тұстары да аз болмады, бірақ біз жеңіске жеттік», - деп өз әсерлерімен бөлісті.

Екінші орын Өскемен қаласы № 20 мектебінің командасына, үшінші орын Глубокое ауданының балаларына бұйырды. Катонқарағай ауданының балалары ең жарқын және көрнекі өнерімен көзге түсті. Олар жарысқа жоғары қарқын беріп, белсенділігімен ерекшеленді.

«Бұл балалар-жасөспірімдер қозғалысы маңызды дағдыларға құмар балаларды біріктіреді. Мұндай спорттық іс-шаралар тәжірибе жүзінде өмірді сақтап қалу бойынша ережелерді игеруге және қиын жағдайда басқа адамды құтқаруға және көмек көрсетуге көмектеседі», - деп №29 мектептің жас құтқарушылар орталығының басшысы Евгений Шатурный атап өтті.

«Биылғы жылы «Қауіпсіздік мектебі» слет-жарысы алтыншы рет өтіп жатыр, жарыстың басты мақсаты - өмір қауіпсіздігі мен салауатты өмір салты негіздерін насихаттау және тарату болып табылады. Мен «Қауіпсіздік мектебіне» қатысу шынымен де баға жетпес дағды екенін атап өтемін. Балалар дала жағдайында маңызды «өмір сабақтарын» меңгерумен қатар, кедергілерді еңсереді, апат жағдайында өмірді қалай сақтап қалуға болатынын үйренеді», - деп Шығыс Қазақстан облысы Төтенше жағдайлар департаментінің бастығы Рашид Блялов атап өтті.

ШҚО ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан