Атырау облысы Дін істері басқармасының қолдауымен, «Жәрдем-Атырау» КҚ-ның ұйымдастыруымен «Жоғары спорт шеберлігі мектебі» КМҚК-нде «Спорт - терроризмге қарсы» атты кездесу өткізілді.

Кездесуге АТТ мүшелері, теолог Ринат Қалмазұлы, «Ақпараттық-талдау орталығы» КММ-ның бөлім басшысы Ізбасар Салимов және «Жәрдем-Атырау» КҚ-ның маманы Белова Вероника қатысты.

Кездесу барысында бапкерлерге деструктивті діни ағымды ұстанушылардың негізгі айрықша белгілерімен таныстырылып, олардың арбауына түсіп қалмай, нақты дереккөздерге сүйеніп, мамандарға кез келген уақытта хабарласуға болатыны айтылды.

Одан әрі ҚР «Әкімшілік құқық бұзушылық туралы» Кодексінің 453 және 490 баптарында қарастырылған заңдар мен жауапкершіліктері түсіндіріліп, діни түсінік деңгейлерін арттырып, дәстүрлі құндылықтарды сақтауды естен шығармауды тілге тиек етті.

Материал Атырау облысы бойынша ТҚК

аппаратының ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы