АРИЗОНА УНИВЕРСИТЕТІМЕН ҚОС ДИПЛОМДЫ БАҒДАРЛАМА СТУДЕНТТЕРІН ШЕТЕЛДІК ПРОФЕССОРЛАР ОҚЫТАДЫ

  ҚР Ғылым және жоғары білім министрлігінің еліміздің жоғары оқу орындарына шетелдік ғалымдарды тарту жобасы аясында Қозыбаев университетіне Түркиядан профессор Джелаль Чекен келді. Бір ай бойы ол Аризона университетімен қос дипломды бағдарламалар студенттеріне «Басқарудағы ақпараттық жүйелер» пәнінен сабақ берді.

  Сондай-ақ ғалым профессор-оқытушылар құрамы үшін біліктілікті арттыру курсын және ғылыми семинарлар өткізді.

  Джелаль Чекен Коджаэли университетінде (Түркия) білім алған. Оңтүстік Флорида университетінде (АҚШ) және Сакарье университетінде (Түркия) жұмыс істеген. Оның ғылыми қызығушылықтары интернет заттарымен, қауіпсіз бағдарламалық жасақтама әзірлеумен және сымсыз сенсорлық желілермен байланысты.

  Айта кетейік, университетке жыл сайын қос дипломды бағдарламалардың студенттеріне дәріс оқу үшін шетелдік профессорлар шақырылады.

Ақпарат көзі: Қазақстан Республикасы Ғылым және жоғары білім министрлігі