Ағымдағы жылғы 13-16 қаңтар аралығында судья лауазымына біліктілік емтиханы шеңберінде заңнаманы білуге арналған компьютерлік тестілеу өткізілді. Тестілеуге қатысқан 170 үміткердің 48-і сәтті тапсырды.

Барлық 48 үміткер біліктілік емтиханының келесі кезеңдеріне жіберілді: эссе жазу, кейстік тапсырмаларды шешу және психологиялық тестілеуден өту. Кеңес қазіргі уақытта біліктілік емтиханын өткізу жүйесін жетілдіру бойынша жұмыс жүргізіп жатқанын атап өтеміз.

Мәселен, ағымдағы жылы компьютерлік тестілеуді өткізу кезеңділігін әдеттегі 3-4 тестілеудің орнына жылына 6 ретке өзгерту жоспарлануда. Бұл шешім біліктілік емтихандарын тапсыруға қол жетімділікті арттыруға, кеңірек және бәсекеге қабілетті аудиторияға қол жеткізуге бағытталған, бұл өз кезегінде болашақ судьялардың резервтік пулын кеңейтуге ықпал етеді.

Жаңашылдық барлық процедуралардың жоғары стандарттарын қамтамасыз ете отырып, қатаң іріктеу критерийлеріне еш зиян әсер етпейді.

Еске салайық, біліктілік емтиханын тапсыру үшін құжаттарды қабылдауды Кеңес тұрақты негізде жүзеге асырады. Ол үшін тиісті құжаттар пакетін Астана қ., Мәңгілік Ел даңғылы 8, 1В кіреберіс мекенжайында орналасқан Жоғары Сот Кеңесіне жолдау қажет.

Барлық сұрақтар бойынша келесі байланыс телефон нөмірлері арқылы хабарласуға болады: 74-90-44, 74-95-42, +7 778 290 48 14.

Электрондық пошта: s.salimzhanova@vss.gov.kz, m.turmukhambetova@vss.gov.kz,  k.asylbekova@vss.gov.kz.

Ақпарат көзі: Қазақстан Республикасы Жоғары Сот Кеңесі